Othon III de Grandson

Commentaire (s)

Déposé par Copiste le 22 novembre 2012 à 15h38

   La grant beaulté de vo viaire cler
   Et la doulseur dont vous estez paree
   Me fait de vous si fort enamourer,
   Chiere dame, qu’avoir ne puis duree.
   À toute heurë est en vous ma pensee.
   Desir m’asault durement par rigour.
   Et, se par vous ne m’est grace donnee,
   En languissant definiront my jour.
     
   Allegement ne pourroye trouver
   Du mal que j’ay par creature nee,
   Se par vous non, en qui veul affermer
   Entierement mon cuer, sans dessevree.
   Il est vostre, longtemps vous ay aimee
   Celeement, sans en faire clamour.
   Et, se l’amour de vous m’est reffusee,
   En languissant definiront my jour.
     
   Si vous suppli humblement que passer
   Ma requeste vueillez, s’il vous agree.
   Assez povez cognoistre mon penser
   Par ma chanson, qui balade est nommee.
   Plus ne vous dy, belle tresdesiree,
   Demonstrez-moi, s’il vous plaist, vo doulsour,
   Car autrement soiez acertainnee
   En languissant definiront my jour.

[Lien vers ce commentaire]

Votre commentaire :