Il n’est confort qui tant de bien me fasse
Quand je ne puis à ma dame parler
Comme d’avoir temps, loisir, et espace
De longuement en sa valeur penser
Et ses doux faits féminins recorder
Dedans mon cœur, c’est ma vie par m’âme,
Ne je ne truis nul homme qui m’en blâme,
Car chacun a joië de li louer.
 
Il a en li beauté, bonté, et grâce
Plus que nulz homs ne saurait deviser :
C’est grand eür quand en si peu d’espace
Dieu a voulu tous les biens assembler ;
Honneur la veut sur toutes honorer ;
Onques ne vis si plaisant jeune dame
De toutes gens avoir si noble fame,
Car chacun a joië de li louer.
 
Ou qu’elle soit bien fait et mal efface ;
Moult bien li sied le rire et le jouer ;
Son cuer ébat et les autres solace
Si liement qu’on ne le doit blâmer ;
De li veoir ne se peut nuls lasser ;
Son regard vaut tous les biens d’un royame ;
Il semble bien qu’elle est très-noble femme,
Car chacun a joië de li louer.